Nye forskrifter vedteke

Seint fredag ettermiddag kom meldinga om fastsetjing av nye forskrifter frå departementet. Blant dei var «Ny forskrift om produksjonstilskudd og avløsertilskudd i jordbruket» og «Ny forskrift om tilskot til avløysing ved sjukdom og fødsel mv.«. Forskriftene har i haust vore ute på høyring, der Norske Landbrukstenester med anna har vore høyringsinstans. Vårt høyringsinnspel, saman med innspel frå forvaltning og andre organisasjonar i landbruket, har prøvd å formidla konsekvensane av endringane. Diverre har ikkje departementet teke hensyn til noko av dette i sine vurderingar.

Departementet syner at dei ikkje er interessert i å ta hensyn til majoriteten av synspunkta som er komen inn frå høyringsinstansane. Kva konsekvensar forslaga kan ha for dyrevelferden er ikkje teke hensyn til. Departementet klarar og å gje inntrykk av at støtta til landbruksvikarordninga har auka, når den reelt har gått ned, for å forsvare argumentasjonen som er brukt. Synspunkt og konklusjonar frå eigen forvaltning er det ikkje teke hensyn til.

Det er trist å sjå kor lite interesse det er i konsekvensar av dei forslaga som vert fremma. Frå departementet si side vert dette seld inn som ei forenkling, men det er diverre ikkje ei forenkling for nokon av partane.

Legg igjen en kommentar

Din e-postadresse vil ikke bli publisert. Obligatoriske felt er merket med *

Dette nettstedet bruker Akismet for å redusere spam. Lær om hvordan dine kommentar-data prosesseres.